საქართველოს რკინიგზის შვილობილი კომპანიის „ჯიარ ქონების მართვის“ მიერ აუქციონზე საპრივატიზაციოდ გამოტანილი უძრავი ქონება ბათუმში, ვერც ამჯერად ვერ გაიყიდა.

სახელმწიფო ქონების ეროვნული სააგენტოს ინფორმაციით, სამ ლოტზე, რომელთა ფართობი ჯამში 107 586 კვადრატულ მეტრს შეადგენდა გამოცხადებული იყო 59 712 497 ლარის საწყისი ღირებულების აუქციონი. აუქციონში მონაწილეობა არცერთმა კომპანიამ არ მიიღო.

უძრავი ქონება თამარ მეფის გამზირზე, ნომერ 15-ში მდებარეობს.